Seminario/Presentación do libro “Caminos de Resistencia” de Francisco Martínez, “Quico”, guerrilleiro anti-franquista.
12 de decembro. Desde a Cátedra de Memoria Histórica da Universidade da Coruña organizamos, co patrocinio do Concello da Coruña e coa colaboración da Agrupación Cultural Alexandre Bóveda, a presentación do libro autobiográfico Caminos de Resistencia da autoría do guerrilleiro anti-franquista Francisco Martínez López, “Quico”, desenvolvéndose un seminario sobre a Guerrilla antifranquista en Galiza.
Nesta actividade estará presente o autor do libro Caminos de Resistencia, Francisco Martínez, “Quico”, así como Andreu García, prologuista da obra e director de El Otro País.
O acto celebrarase o venres 16 de decembro ás 19h no salón de actos da Agrupación Cultural Alexandre Bóveda (rúa Olmos nº16 – 1º, A Coruña).
Éxito do III Congreso As outras protagonistas da Transición
4 de outubro.-Desde a Cátedra de Memoria Histórica da Universidade da Coruña realízase un moi balance positivo das intervencións e participación de público que presentou o III Congreso As outras protagonistas da Transición.
Entre o 31 de setembro e o 1 de outubro desenvolvéronse catorce ponencias a partir de seis mesas, intituladas “A Transición e os partidos políticos na Galiza”; “Movementos sociais na Galiza do tardofranquismo e da Transición fronte ao franquismo; “Asociacionismo cultural, Feminismo e Ecoloxismo”; “Sindicalismo agrario e obreiro na Galiza da Transición”; “Lingua, creación literaria e música na Galiza da Transición”; “O mundo editorial e a prensa na Galiza da Transición” e “O Tribunal de Orde Pública (TOP), o conflito carcelario e as medidas penitenciarias de excepción na Transición”.
Xunto ás ponencias, presentáronse outras doce intervencións da man de investigadores e investigadoras de diversos territorios. Se ben a maior parte das intervencións se realizaron in situ, houbo unha que se realizou desde EE.UU. e outra desde Inglaterra, así como outra desde Madrid.
O nivel de participación e o ambiente de debate, no marco dos coloquios entre ponencias e comunicacións, foi moi enriquecedor. O Congreso estivo patrocinado polo Concello da Coruña, no marco dun convenio entre a institución municipal e a Universidade da Coruña. As ponencias e comunicacións darán lugar a dous libros, dos que daremos conta desde a Cátedra de Memoria Histórica.
Seminario/Presentación do libro “Sobrevivir a la derrota” de Gonzalo Wilhelmi (Akal).
Desde a Cátedra de Memoria Histórica da Universidade da Coruña, co patrocinio do Concello da Coruña, realizaremos unha dupla presentación do libro Sobrevivir a la derrota. Historia del sindicalismo en España (1975- 2004), do historiador Gonzalo Wilhelmi e editado polo selo editorial Akal.
Realizarase en horario de mañá unha presentación do libro, coa presenza do autor, seguida dun coloquio coa presenza de Roxelio Pérez Poza, pola Fundación Luís Tilve; Suso Seixo Fernández, pola Fundación Moncho Reboiras; e Xan María Castro Paz, polo Fundación 10 de Marzo. E en horario de tarde, procederase a presentar o libro na sede da Agrupación Cultural Alexandre Bóveda con Wilhelmi.
Programa completo do III Congreso “As outras protagonistas da Transición”
12 de setembro de 2022.-Desde a Cátedra de Memoria Histórica da Universidade da Coruña deuse por pechado o programa do III Congreso As outras protagonistas da Transición.
O encontro desenvolverase a partir de seis mesas, intituladas “A Transición e os partidos políticos na Galiza”; “Movementos sociais na Galiza do tardofranquismo e da Transición fronte ao franquismo; “Asociacionismo cultural, Feminismo e Ecoloxismo”; “Sindicalismo agrario e obreiro na Galiza da Transición”; “Lingua, creación literaria e música na Galiza da Transición”; “O mundo editorial e a prensa na Galiza da Transición” e “O Tribunal de Orde Pública (TOP), o conflito carcelario e as medidas penitenciarias de excepción na Transición”, das que participarán catorce ponentes.
Xunto ás ponencias, presentaranse vinte comunicacións da autoría de investigadores e investigadoras de varios puntos do Estado español, así como de Universidades de fóra de Europa.
O programa pódese descargar a continuación en arquivo PDF.
A Cátedra de Memoria Histórica organiza un seminario sobre fontes documentais
8 de agosto. Entre o 24 e o 27 de agosto, a Cátedra de Memoria Histórica da Universidade da Coruña desenvolverá un seminario sobre fontes para a recuperación da memoria histórica.
O seminario estará a cargo do historiador e documentalista Eliseo Fernández, autor de numerosas obras sobre a II República, a represión e ditadura franquista, así como sobre a Guerrilla antifranquista e a historia do anarquismo na Galiza.
O seminario, que conta co patrocinio do Concello da Coruña, celebrarase no Centro Universitario de Riazor (CUR), no que a Cátadre de Memoria Histórica ten a súa sede. As prazas fican limitadas a vinte persoas. Para inscribirse no devandito seminario, as persoas interesadas poden enviar un correo a: secretaria@catedramemoriahistorica-udc.gal.
O Congreso ‘As outras protagonistas da Transición’ desenvolverase o 30 de setembro e o 1 de outubro.
25 de xullo de 2022.-Desde a Cátedra de Memoria Histórica da Universidade da Coruña anúnciase que o III Congreso As outras protagonistas da Transición se desenvolverá entre o venres 30 de setembro e o sábado 1 de outubro, no Centro Universitario de Riazor (CUR), co patrocinio do Concello da Coruña.
O devandito congreso está patrocinado polo Concello da Coruña e centrará a súa atención na realidade da Galiza na Transición. O programa deste III Congreso “As outras protagonistas da Transición” articularase a partir de seis mesas, intituladas “Transición e os partidos políticos na Galiza”; “Movementos sociais na Galiza do tardofranquismo e a Transición fronte ao franquismo: Asociacionismo cultural, Feminismo e Ecoloxismo”; “Sindicalismo agrario e obreiro na Galiza da Transición”; “Lingua, creación literaria e música na Galiza da Transición”; “O mundo editorial e a prensa na Galiza da Transición” e “O Tribunal de Orde Pública (TOP), o conflito carcelario e as medidas penitenciarias de excepción na Transición”, das que participarán catorce ponentes.
Xunto ás ponencias, presentaranse vinte comunicacións da autoría de investigadores e investigadoras de varios puntos do Estado español, así como de Universidades de fóra de Europa.
A Cátedra de Memoria Histórica está ultimando preparativos para dar lugar ao Congreso sobre Galiza na Transición.
20 de xullo.-Desde a Cátedra de Memoria Histórica estase traballando intensamnete para que a inicios do vindeiro curso se desenvolva na Coruña o III Congreso As outras protagonistas da Transición, que centrará a súa atención desta volta na realidade da Galiza na Transición. O congreso estaba previsto desenvolvelo no inverno de 2020-2021, mais a pandemia obrigou a postpoñer o encontro. Estase a pechar o programa, que se articulará a partir de seis mesas, intituladas “Transición e os partidos políticos na Galiza”; “Movementos sociais na Galiza do tardofranquismo e a Transición fronte ao franquismo: Asociacionismo cultural, Feminismo e Ecoloxismo”; “Sindicalismo agrario e obreiro na Galiza da Transición”; “Lingua, creación literaria e música na Galiza da Transición”; “O mundo editorial e a prensa na Galiza da Transición” e “O Tribunal de Orde Pública (TOP), o conflito carcelario e as medidas penitenciarias de excepción na Transición”.
Aliás, unha vez pechado o prazo de recepción de comunicacións, recibíronse vinte propostas de investigadores e investigadoras de varios puntos do Estado español, así como de Universidades de fóra de Europa.
Este encontro prosegue a andaina que se iniciou no ano 2017, coa celebración do primeiro Congreso Las otras protagonistas de la Transición, que se desenvolveu en Madrid; e coa realización en Barcelona no ano 2019 do segundo Congreso Les altres protagonistes de la Transiciò. Pódense consultar as actas de ambos encontros nas seguintes ligazóns:
Seminario/Presentación do libro “Os anos do silencio. Represión e resistencia na provincia de Pontevedra (1936-1951)”.
17 de xuño de 2022.-A Cátedra de Memoria Histórica da Universidade da Coruña celebra hoxe un novo seminario, no que se presentará o libro Os anos do silencio. Represión e resistencia na provincia de Pontevedra (1936-1951), obra do investigador Xosé Álvarez e publicada por Edicións Xerais. Un volume no que se achega con minuciosidade as diversas dinámicas represivas que a ditadura franquista efectivizou desde 1936 até inicios da década dos 50 do pasado século, poñendo en valor a resistencia democrática fronte ao totalitarismo franquista no mesmo período. Nesta obra o autor amplía o seu anterior magnífico volume intitulado Pontevedra nos anos do medo: Golpe militar e represión (1936-1939), editado tamén por Xerais.
O acto, que conta co patrocinio do Concello da Coruña e que se celebrará na sede da Agrupación Cultural Alexandre Bóveda (R/Olmos 16-18), contará coa presenza de Xosé Álvarez e de Uxío-Breogán Diéguez, director da Cátedra de Memoria Histórica.
Exitosa conmemoriación no Campus de Ferrol do 50 aniversario do 10 de marzo.
10 de marzo de 2022.-A Vicerreitoría do Campus de Ferrol e Responsabilidade Civil e a Cátedra de Memoria Histórica da Universidade da Coruña, coa colaboración da Asociación Memoria Histórica Democrática e a Asociación Cultural Fuco Buxán, conmemoraron o 50 aniversario das mobiliacións obreiras capitaneadas polos obreiros da Factoría Bazán no mes de marzo de 1972, nomeadamente o 10 de marzo daquel ano.
Tal e como estaba anunciado, e diante de numeroso público que se congregou na Facultade de Ciencias do Traballo do Campus de Ferrol, interviñeron no acto María Jesús Movilla Fernández, Vicerreitora do Campus de Ferrol e Responsabilidade Civil; Uxío-Breogán Diéguez Cequiel, Director da Cátedra de Memoria Histórica da Universidade da Coruña; xunto aos historiadores Eliseo Fernández; José Gómez Alén; e Bernardo Máiz; así como a Rafael Pillado Lista; Sari Alabau Albors e Alfonso Tellado Sande, que viviron de primeira man os devanditos sucesos a partir das súas responsabilidades sindicais en plena clandestinidade franquista. O balance que se fai desde a organización do acto é moi positiva, dado o elevado número de persoas que asistiron ao mesmo, que encheu o salón de actos da Facultade de Ciencias do Traballo e mesmo os pasillos de acceso ao mesmo.
A Vicerreitoría do Campus de Ferrol e a Cátedra de Memoria Histórica celebran o 50 aniversario do 10 de marzo de 1972.
6 de marzo de 2022.-A Vicerreitoría do Campus de Ferrol e Responsabilidade Civil e a Cátedra de Memoria Histórica da Universidade da Coruña estiveron a traballar nos últimos meses, coa colaboración da Asociación Memoria Histórica Democrática e a Asociación Cultural Fuco Buxán, para conmemorar o 50 aniversario das mobiliacións obreiras capitaneadas polos obreiros da Factoría Bazán no mes de marzo de 1972. Mobilizacións que serían reprimidas brutalmente pola ditadura franquista, dando lugar o 10 de marzo daquel ano ao asasinato dos operarios Amador Rey e Daniel Niebla, así como a centos de obreiros feridos graves (parte deles feridos de bala…).
No acto intervirán María Jesús Movilla Fernández, Vicerreitora do Campus de Ferrol e Responsabilidade Civil; Uxío-Breogán Diéguez Cequiel, Director da Cátedra de Memoria Histórica da Universidade da Coruña; xunto aos historiadores Eliseo Fernández; José Gómez Alén; e Bernardo Máiz; así como a Rafael Pillado Lista; Sari Alabau Albors e Alfonso Tellado Sande, que viviron de primeira man os devanditos sucesos a partir das súas responsabilidades sindicais en plena clandestinidade franquista.
